FN sine berekraftmål er ei felles arbeidsplan for å utrydde fattigdom, bekjempe ulikheit og stoppe klimaendringane innan 2030. Målet er ein berekraftig forvaltning av naturressursane. Renovasjonsbransjen har tydelege mål: Halvere matsvinn per innbyggar globalt og redusera avfallsmengder gjennom forbod, reduksjon, gjenvinning og ombruk.

Klarar vi 50% reduksjon i restavfall per innbyggjar innan 2030?

Målet med denne testpiloten er å både informere meir og auke kunnskapen om kjeldesortering blant husstandane og gje eit insentiv i form av redusert renovasjonsgebyr for dei som endrar på vanar og blir betre på kjeldesortering.

Slankar du restavfallet, reduserer du samstundes gebyret

I samfunnsplanen til kommunen er det vedteken ei målsetting at Øygarden skal vere eit klima- og miljøvennleg samfunn. Vi skal vere ein føregangskommune innan grøn omstilling og utvikle eit lågutsleppsamfunn. På avfallsområdet betyr det at for å nå måla knytt til sortering og gjenvinning må det skje ein større grad av utsortering av det som i dag vert kasta i restavfallet.

Dette gjeld først og fremst det som vi henter i avfallsbehaldarar heime hos innbyggjarane. Det er her potensialet for utsortering størst.

I testperioden vil det verte gratis å levere avfall til gjenbruksstasjonane, med unntak av restavfall, for dei som bur i testsonen. Ved framvising av SMS får du levere dei sorterte avfallsfraksjonane gratis, og berre betale for restavfallet.