Her svarer vi på dei vanlegaste spørsmåla. Lurer du på noko? Les her først. Finn du ikkje svaret, kan du sjølvsagt gjerne ta kontakt.

• Er det same pris for stor og liten dunk til restavfall?
  Ja, du betaler berre for dei kiloa som er i dunken.
• Korleis fungerer faktureringa når det er fleire bueiningar i same bygg?

  Renovasjonsgebyret består av eit basisgebyr og eit gebyr per kilo tømt restavfall. Basisgebyret er ein fast sats per bueining. Det vil seie at dersom det er to bueiningar i bustaden, må ein betale basisgebyr x 2. 

  Gebyr for tal tømde kilo fakturerer vi etterskotsvis. Dei kiloa som blir tømde i januar og februar, vil til dømes stå på neste terminfaktura. 

• Eg har småhushald, har eg lågare gebyr?
  Gebyret småhushald er erstatta med eit fast grunngebyr for dei som er med i pilotprosjektet. Grunngebyret har ikkje samanheng med kor ofte spannet blir tømt, restavfallet blir vege og det er vekta du betaler for.
• Kva skal vi betale for på gjenbruksstasjonen?
  I testperioden er det gratis for dei som er med i pilotprosjektet å levere avfall til gjenbruksstasjonane, med unntak av restavfall. Du skal ha fått ein sms, og ved framvising av denne kan du levere alt anna enn restavfall gratis. Derfor er det viktig at ein har sortert avfallet godt før ein kjem på gjenbruksstasjonen.
• Eg har ikkje motteke sms som skal visast på gjenbrukstasjonen?
  Ta kontakt med ØyVAR for å få tilsend sms
• Vi har felles oppstillingsplass for spann på tømmedag, kva om nokon andre kastar avfall i spannet mitt?
  Dette har vore kartlagt og diskutert med andre kommunar som har innført vektbasert betaling. Det viser seg at ingen av dei ØyVAR har vore i kontakt med har opplevd dette som eit problem. Spann bør uansett hentast raskt etter tømming og seinast dagen etter tømming.
• Kva med oss som har bleiebarn? Dette gjer at restavfallet mitt vil vege meir enn dei som ikkje har bleiebarn.
  I løpet av eit livsløp vil avfallsmengda ein produserer variere. Systemet med vektbasert betaling er meint for at ein skal betale for det ein kastar. Bleier veg ein del, men ved god sortering av alle fraksjonar kan ein redusere innhaldet i restavfallsbehaldaren.
• Eg bur i sameige med felles bosspann. Korleis blir vekta berekna på mitt restavfall?
  Felles spann blir vegne ved tømming, og den totale vekta på restavfall blir fordelt etter talet på bueiningar i sameiget. Er det f. eks 12 bueiningar i sameige, blir vekta di 1/12 av den totale vekta.
• Får vi tilbakemelding på kva vekta er når de hentar avfallet?
  Renovasjonsbilen veg spannet ved tømming. På faktura vil det komme fram kor mange kilo restavfall det er tømt for den aktuelle perioden.
• Eg har selt huset, kven skal betale faktura?
  Den som er registert som tinglyst eigar, det vil sei heimelstakar, av ein eigedom er ansvarleg for at renovasjonsgebyret vert betalt. Dette gjeld også for eventuelt ubetalte renovasjonsgebyr for tidsrommet før ny eigar kjøpte eigedomen.
• Eg har månadleg faktura, får eg kilogebyr kvar månad?
  Kilogebyr blir fakturert på etterskot kvar 2 månad. Det vil seie at tømming for januar og februar vil komme på terminfaktura som blir send ut i mars.
• Eg har nett flytta til Rong. Kva informasjon treng eg?
  Ta kontakt med Øyvar på e-post eller telefon og du vil få tilsendt det du treng.